Somos unha asociación de empresas que temos como actividade fundamental a educación ambiental, o guiado na natureza, a divulgación científica e profesións análogas como interpretación do patrimonio natural.
Os nosos obxectivos son:
- Traballar para promover e fomentar a educación ambiental, e a divulgación e conservación dos recursos e valores naturais, patrimoniais e culturais.
- Representar ás persoas asociadas para defender os dereitos dos/as asociados/as e do sector cando sexa necesario.
- Defender os intereses das persoas asociadas, promovendo a dignificación e profesionalización do seu traballo, e dando a coñecer e divulgando ese mediante todos os medios posibles.
- Fomentar o uso público de calidade no medio natural, que contribúa á consecución de obxectivos de conservación e posta en valor dos seus valores.
- Promover a formación continua para as persoas asociadas, procurando a mellora da calidade da súa actividade.
- Defender o traballo do guía de natureza e/ou educador ambiental e as súas competencias e capacitacións para traballar no ámbito das actividades no medio ambiente.
- Loitar polas titulacións ou coñecementos mínimos de educación e interpretación ambiental, favorecendo o recoñecemento e a regulación da educación ambiental no ámbito laboral e formativo.
- Colaborar e manter vías de conexión con entidades públicas e privadas en todo o posible, sempre e cando non contradiga os principios do colectivo.
- Velar pola competencia leal e profesional.
- Fomenta-lo recoñecemento da Educación Ambiental como instrumento social e de xestión para a enfronta-la problemática do medio ambiente de forma transversal.